LERKA
Tekst: Per Sivle
Melodi: Lars Søraas d.e.
Og vesle lerka, ho hev det so,
At finn ho ein tuvetopp fri for snjo,
Så kved ho i med sin gladaste song,
Da trur ho på vår med ein einaste gong.
”Å hei! Å hi! Å tiriliti! Å tirili tirili ti!”
Og vesle lerka, ho hev det slik,
at finn ho ein solstråle, då vert ho rik.
Då stig ho i høgdi og trallar i lit
til sumar på jord, endå snjoen ligg kvit.
”Å hei! Å hi! Å tiriliti! Å tirili tirili ti!”
Og lyngtuva, det er no lerka sitt fat.
der set ho seg ned, og så fær ho seg mat.
Og når ho er ferdig, ho takkar så glad
Vårherre for maten med kvitter og kvad.
”Å hei! Å hi! Å tiriliti! Å tirili tirili ti!”
Gud signe deg! Du er fuglen min, du!
Gud signe no deg med di glade tru!
Og møter eg kulde og snjo på min veg.
Gud gjev meg i sol-tru å kveda med deg:
”Å hei! Å hi! Å tiriliti! Å tirili tirili ti!”